“Sabah” yüksək məbləğdə cərimələnib

post-img

AFFA İntizam Komitəsi “Sabah” klubunu 4 min manat cərimələyib.

Buna komandanın məşqçisi Aleksey Antonyukun "Neftçi"yə qalib gəldikləri (2:1) Azərbaycan Kubokunun yarımfinal mərhələsinin ilk matçında hakimlər briqadasını təhqir etməsi səbəb olub. Məşqçiyə 5 oyunluq cəza verilib. Sınaq müddəti 3 ay təyin edilib.

“Neftçi” isə azarkeşlərinin pirotexniki vasitədən istifadə etməsinə görə 1500 manat cərimələnib.

“Araz- Naxçıvan” klubu 700 manat ziyana düşüb. Buna Naxçıvan klubunun 4 oyunçusunun “Qarabağ”ı məğlub etdikləri (1:0) görüşdə sarı vərəqə alması səbəb olub.

L.QURBANOVA
XQ

İdman