Bu gün batut gimnastikası üzrə təmsilçimiz Selcan Mahsudova Paris Olimpiadasında mübarizəyə qoşulacaq. Onu da vurğulayaq ki, Azərbaycan gimnastika tarixində ilk dəfə batut gimnastikası üzrə olimpiadada təmsilçimiz iştirak edəcək. 

Almaniyanın Kot­bus şəhərində keçirilən Dünya kubokunun son mərhələsində yarım­finala vəsiqə qazanan S.Mahsudova ötən ildən etibarən Paris-2024-ə lisenziya xalları qazan­dıran Dünya kubokla­rında mübarizə aparıb. Onun lisenziya xarak­terli beş Dünya kubokunun ikisində göstərdiyi yekun nəticə Olimpiya Oyunlarına vəsiqəsini təmin edib. 

O, Dünya kuboku seriyasının qalibi, eləcə də bir çox bey­nəlxalq yarışların mükafatçısıdır. Olimpiya Oyunlarında bizi layiqincə təmsil edə biləcək potensiala malikdir. 

Selcan Mahsudovanın olimpiadada çıxış sırası 14-cüdür. Ümumilikdə isə təsnifat mərhələsində 16 gimnast mübarizə aparacaq. Yarış Bakı vaxtı ilə saat 14:00-da başlayacaq. 8 ən yaxşı iştirakçı final mərhələsinə adlayacaq. Mükafatlar uğrun­da həlledici mərhələ saat 15:50-də start götürəcək. 

Onu da qeyd edək ki, Paris-2024-ün batut gimnastikası ya­rışları bir günü əhatə edəcək.