Azərbaycanın qadınlardan ibarət 3x3 basketbol millisi Fransanın paytaxtı Parisdə Olimpiya Oyunlarında növbəti görüşlərini keçirib.
Komanda II turda ABŞ yığması ilə qarşılaşıb. Matçda 20:17 hesabı ilə qalib gələn qızlarımız tarixi qələbəyə imza atıblar. Seçməmizin III turda Fransa komandası ilə mübarizəsi isə komandamızın 10:15 hesablı məğlubiyyəti ilə başa çatıb.
Qarşılaşmadan sonra müsahibə verən Azərbaycanın qadınlardan ibarət 3x3 basketbol millisinin üzvü Dina Ulyanova onları qarşıda bir neçə oyunun gözlədiyini deyib:
– Öz səhvlərimiz ucbatından məğlub olduq. Ruhdan düşmək olmaz. Qarşıda bizi oyunlar gözləyir.
Komandamız günün son oyununda Almaniya millisi ilə mübarizə aparıb. Qarşılaşma rəqibin 12-8 hesablı qələbəsi ilə başa çatıb.
Qeyd edək ki, seçməmiz ilk turda İspaniyaya 16:18 hesabı ilə uduzub.
.jpg)
