UEFA türkiyəli müdafiəçi Merih Demiralın Avstriya millisi ilə Avropa çempionatının 1/8 finalında vurduğu qolun bayram edilməsi ilə bağlı araşdırmaya başlayıb. Bu barədə “The Sun” nəşri məlumat yayıb.
Türkiyəli müdafiəçi qolu qeyd edərkən guya, “Boz qurd” təşkilatının türk millətçilərinin jestindən istifadə edib.
Türkiyəli jurnalist Yağız Sabuncuoğlu X sosial şəbəkəsində Demiraldan sitat gətirirək yazır: “Mənim fikrim var idi ki, qolumu türklüklə bağlı bir üslubda qeyd edim. Mən türk olduğum üçün fəxr edirəm, ona görə də qoldan sonra bunu etməli olduğumu hiss etdim. Bunu bacardığım üçün şadam”.
