Azərbaycanın yeniyetmə badmintonçuları Cənubi Kiprin paytaxtı Nikosiyada keçirilən “Cyprus International 2023” beynəlxalq turnirində uğurla çıxış ediblər.
Təmsilçilərimizdən Əli Gözəlov 15 yaşadək oğlan badmintonçuların şəxsi yarışında qızıl medala sahib çıxıb. 15 yaşadək badmintonçuların şəxsi yarışında finala kimi irəliləyən Leyla Camalzadə isə ikinci yeri tutub. Leyla Camalzadə-Aysu Kərimzadə tandemi isə bu yaş kateqoriyası üzrə qızların qoşa yarışında finalda uduzaraq gümüş medalla kifayətlənib.
15 yaşadək badmintonçuların qarışıq qoşa kateqoriyasında Əli Gözəlov və Aysu Kərimzadə, 17 yaşadək badmintonçuların mübarizəsində isə Sərxan Bağırov-Əli Gözəlov cütü üçüncü pillələrdə qərarlaşıblar.
Leyla SABİRQIZI
XQ
.jpg)
