Azərbaycan idmançısı Diana Dımçenko İtaliyanın Barletta şəhərində keçirilən sahil avarçəkməsi üzrə dünya çempionatında uğurla çıxış edib.
Millimizin üzvü 4 min metr məsafəni 20:11.72 dəqiqəyə qət edərək təsnifat mərhələsində finişə hamıdan əvvəl çatıb. O təsnifat mərhələsində ikinci olan Finlandiya təmsilçisi Eva Karppineni 10 saniyə qabaqlayaraq (20:21.43). A finalına vəsiqə əldə edib.
Final mərhələsində idmançılar 6 min metr məsafə üzrə güclərini sınayıblar. Diana Dımçenko həlledici mərhələdə məsafəni 32:20.94 dəqiqə ərzində qət edib. Bununla da idmançımız fransalı Cessika Berranı (32:33.92) 13 saniyə fərqlə qabaqlayaraq dünya çempionatının gümüş medalını alıb. O, yalnız irlandiyalı Monika Dukarskadan (32:09.17) geri qalıb.
Qeyd edək ki, Diana Dımçenko 2022-ci ildə Uelsdə təşkil olunan sahil avarçəkməsi üzrə dünya çempionatında da 2-ci olub.
Leyla SABİRQIZI
XQ
.jpg)
