Xorvatiyanın paytaxtı Zaqrebdə yeniyetmələr arasında keçirilən cüdo üzrə dünya çempionatının ikinci günündə Azərbaycan komandası böyük uğurla çıxış edərək daha 2 gümüş medal qazanıb.
Oğlanların yarışında Məhəmməd Musayev (60 kq) və Əbil Yusubov (66 kq) ikinci yeri tutublar.
Qeyd edək ki, Azərbaycan cüdoçuları çempionatın ilk günündə 1 qızıl, 1 gümüş və 1 bürünc medala sahib olublar. İki günün nəticəsinə görə cüdoçularımız oğlanlar arasında 4 çəki dərəcəsinin hər birində medal əldə ediblər.
Leyla SABİRQIZI, “Xalq qəzeti”
