İqtisadiyyat Nazirliyindən verilən məlumata görə, nazirin birinci müavini Elnur Əliyev Beynəlxalq Parlamentarilər Konqresinin nümayəndə heyəti ilə görüşündə BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası – COP29-un Azərbaycanda keçirilməsinin ölkəmizin “yaşıl” iqtisadiyyatın inkişafına, qlobal iqlim problemlərinin həllinə verdiyi önəmin göstəricisi olduğunu vurğulayıb.
E.Əliyev, həmçinin COP29 çərçivəsində beynəlxalq təşkilatlarla əməkdaşlığın diqqət mərkəzində olduğunu bildirib, eyni zamanda, ölkəmizdə “yaşıl” enerjinin təşviqi və qlobal iqlim dəyişikliyinin təsirlərinin azaldılması istiqamətində tədbirlərin həyata keçirilməsinə xüsusi diqqət göstərildiyini qeyd edib.
Görüşdə Beynəlxalq Parlamentarilər Konqresinin İqlim Dəyişikliyi üzrə Beyin Mərkəzinə dair təşəbbüsü çərçivəsində tərəfdaşlıq məsələləri müzakirə olunub.
