Ağdam Sənaye Parkının rezidenti “Eel Electric” MMC tərəfindən Azərbaycanda ilk dəfə olaraq elektrikli avtomobillər üçün şarj (enerjidoldurma) cihazlarının istehsalı nəzərdə tutulur.
Ötən müddətdə şirkətin elektrik paylayıcı avadanlıqların və elektrik yuvalarının istehsalı müəssisəsində görülən işlərin 85 faizi yekunlaşıb. Artıq Türkiyə və Avropanın qabaqcıl ölkələrindən avadanlıqlar gətirilib, yaxın vaxtlarda onların quraşdırılmasına başlanılacaq. Müəssisədə 35-10 kV daxili və xarici tip paylayıcı qurğular, 0,4 kV güc və idarəetmə panelləri, kondensator qurğuları, müxtəlif güclərdə transformator məntəqələrinin istehsalı həyata keçiriləcək.
Qeyd edək ki, Ağdam Sənaye Parkının 1,7 hektar ərazisində inşa edilən müəssisədə 70 nəfər daimi işlə təmin ediləcək. İstehsal olunan məhsulların, əsasən, Qarabağda aparılan tikinti-quraşdırma işlərində geniş istifadə edilməsi planlaşdırılır.