NATO-nun Ukraynaya döyüş hissələri göndərmək planı yoxdur, lakin Şimali Atlantika Alyansının orada hərbi məsləhətçiləri var. Bunu NATO-nun baş katibi Yens Stoltenberq Amerikanın MSNBC telekanalına müsahibəsində deyib.

“Ukraynada NATO-nun döyüş qüvvələrinin olması ilə bağlı heç bir plan yoxdur. Amma təbii ki, bir sıra NATO ölkələrinin səfirliklərində məsləhətlər verən hərbi geyimli öz adamları var”, - deyə alyans rəhbəri bildirib.

O, həmçinin qeyd edib ki, Kiyevə ABŞ və NATO üçün silah və texnikanın tədarükü xeyriyyəçilik deyil, öz təhlükəsizliyinə sərmayədir.

Bundan əvvəl Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, Moskva Qərb qoşunlarının Ukraynaya mümkün göndərilməsi ilə bağlı məlumatlar fonunda NATO ilə hadisələrin istənilən inkişafına hazırdır.

Xatırladaq ki, fevral ayında Fransa prezidenti Emmanuel Makron Avropa ölkələrindən olan əsgərlərin Ukraynaya göndərilməsinə icazə verib. Daha sonra o, Parisin bu məsələdə mövqeyinin dəyişmədiyini təsdiqləyib.

S.ELAY

XQ