Emmanuel Makronun 2023-cü ildə Fransa prezidenti kimi fəaliyyəti ekspertlər tərəfindən tənqid edilib. Onlar Makronun bu rolda uğur qazana bilməyəcəyini deyirlər.
Bu barədə Britaniyanın "Daily Express" tabloidi məlumat yayıb.
Makron pensiya islahatı və xaricdəki münaqişələrin həlli ilə məşğul olmadığı üçün tənqid edilir.
Fransa prezidenti 2022-ci ildə xalqa Yeni il müraciətində "Birlik, cəsarət, kollektiv ambisiya və xeyirxahlıq" ili vəd etmişdi. Ancaq 2023-cü ildə etimadsızlıq səsini çətinliklə dəf etdi və yayda ölkədə iğtişaşlar başladı. Bundan əlavə, Ukraynadakı müharibə və İsraillə HƏMAS arasındakı münaqişə ilə bağlı xaricdən də Makrona təzyiq göstərilir.
Paris Universitetindən Benjamin Morel "Public Senate" verdiyi müsahibədə deyib: “Emmanuel Makron bankadakı milçək kimidir. Tamamilə boğulmamaq üçün fırlanmağa və qanad çalmağa məhkumdur. Amma əslində bu onun üçün mümkün deyil, çünki onu düşdüyü vəziyyətdən çıxarmağa heç bir qüvvə hazır deyil!"
Fransız politoloq Bruno Cautres isə əlavə edib: “2023-cü ildə əsas suala aydın və başa düşülən cavablar verilmədi: Emmanuel Makronun ikinci müddəti hara gedir? İstiqamət yoxdur. Onun prioritetlərinin və məqsədlərinin nə olduğunu hələ də bilmirik”.
Bu arada Fransanın istehsal sektoru "aşağıya doğru spiral" içində olduğu üçün prezident yeni ilə girməkdə çətin anlar yaşayır. Bu qiymətləndirmə sənayenin daralmağa davam etdiyini göstərən son məlumatların işığında gəlir. Fransanın istehsal sənayesinin satınalma menecerləri indeksi (PMI) ilin sonunda 42,1-ə düşüb. 50-dən aşağı göstərici fəaliyyətin azaldığını göstərir və bu, 2020-ci ilin may ayından bəri ən aşağı göstəricidir.
Sektorun perspektivləri tezliklə yaxşılaşmayacaq və iqtisadçılar vəziyyətin yaxın aylarda dəyişməyəcəyini proqnozlaşdırırlar.
XQ
