“Reuters” mənbələrə istinadən yazır ki, Tehran yanacaq qiymətlərini artırdığı üçün İran və Çin arasında neft ticarəti dayanıb. Tehrandan gələn tədarüklər Çinin neft istehlakının təxminən 10%-ni təşkil edir.

“Bu, geniş defolt hesab olunur. Qiymətlərin artırılması əmri, ehtimal ki, Tehrandan gəlib, çünki onlar vasitəçilərə tədarükü dayandırırlar”, - agentliyin mənbəsi bildirib.

"Reuters" aydınlaşdırır ki, Çin İran, Venesuela və Rusiyadan böyük endirimlə neft almaqla milyardlarla dollar qənaət edib. Bütün bu ölkələr sanksiyalar altındadır.

Agentliyin həmsöhbətinin dediyinə görə, alıcılar neftin qiymətinin aşağı salınması üçün danışıqlar aparmağa çalışırlar. Bununla belə, danışıqların əhatə dairəsi məhduddur.

Noyabrda neft satışı sövdələşmələri bir barel üçün təxminən 10 dollar endirimlə bağlanıb. "Reuters"in mənbəsi qeyd edib ki, dekabrın əvvəlində iranlılar çinli alıcılara endirimlərin "Brent" markalı neftin qiymətindən 5-6 dollar aşağı salınacağını bildiriblər.

XQ