İyirmidən çox jurnalist Fələstin-İsrail münaqişəsinin kəskinləşməsinin qurbanı olub.
Bu barədə Jurnalistləri Müdafiə Komitəsi məlumat yayıb.
“Media işçiləri Qəzza zolağında İsrailin hava hücumları və elektrik enerjisinin kəsilməsi fonunda münaqişəni işıqlandırarkən xüsusilə yüksək risklərlə üzləşirlər”, - təşkilatın məlumatında belə deyilir.
Komitə bildirib ki, həlak olan 22 jurnalistdən 18-i fələstinli, 3-ü israilli, biri isə livanlıdır. Bundan əlavə, səkkiz media işçisi yaralanıb, daha üç nəfər itkin düşüb və ya həbs olunub.
