Atlantik okeanının cənubunda yerləşən “Tristan da Kunya” adası “Pasxa”dan sonra sivilizasiyadan uzaq ikinci ada hesab olunur.
Adanın sahəsi 207 kvadrat kilometr təşkil edir. Əhalisinin sayi 300 nəfərdir. Sakinlərin bir qismi Edinburq qəsəbəsində yaşayir.
Qəribə olan budur ki, adada məktəb, kiçik xəstəxana, ərzaq mağazası, poçt şöbəsi, radiostansiya, kafe, üzgüçülük hovuzu, internet kafe və iki kilsə fəaliyyət göstərir. Həmçinin qəza, tibbi yardim və yanğınsöndürmə maşınları da əraziyə cəlb olunub.
Təkcə bir polisin nəzarət etdiyi adada kiçik liman da mövcuddur.
Bura səs-küylü şəhər həyatından bezənlər və tənhalığı xoşlayanlar üçün ideal məkandır.
Qeyd edək ki, Cənubi Afrika Respublikasına yaxın ərazidə yerləşən bu ada Birləşmiş Krallığın himayəsindədir.
S. FİDAN
XQ