Amerikalıların məşhur cizgi filmi “Simpsonlar”da Titanikin qalıqlarını lentə alan sualtı qayıqla bağlı epizodların olduğu deyilir.
Hadisələri baş verməmişdən əvvəl proqnozlaşdıran cizgi filmində “Simpsonlar”ın bu məlumatdan illər öncə xəbərdar olduqları iddia olunur.
Bununla bağlı cizgi filminin 2006-cı ildə yayımlanmış bölümündə Homer Simspon obrazının əvvəllər itkin düşmüş atası Masonla yenidən bir araya gələrək, sualtı xəzinə səyahətinə çıxdıqları epizod yenidən gündəmə gəlib.
Qeyd edək ki, məşhur “Simpsonlar” cizgi filmində koronavirus, 11 Sentyabr hadisələri, kriptovalyuta, Donald Trampın prezident seçilməsi və digər mövzularla bağlı kadrlar da yer alıb.
Deyilənə görə, ekran işində hətta Ukrayna-Rusiya müharibəsindən də bəhs olunur.
F. SALMANOVA, “Xalq qəzeti”
