Özbəkistanın Namanqan şəhərindəki Zəhirəddin Məhəmməd Babur adına parkda “Namangan Flowers-2022” 61-cı beynəlxalq gül festivalı keçirilir.
Bayramda Özbəkistanın mədəniyyət və turizm naziri Azadbek Nazarbekov, Niderland, Türkiyə, Rusiya, Qırğızıstan, Tacikistan, Türkmənistan, Cənubi Koreya və digər ölkələrdən gələn professional gülçülər, landşaft dizaynerləri, tanınmış floristlər və gül həvəskarları iştirak edirlər.
Festival güllərlə bəzədilən 200-dən artıq müxtəlif markalı minik maşınının, retro avtomobillərin, motosikletlərin və kənd təsərrüfatı texnikasının paradı ilə açılıb, maşınlar şəhərin mərkəzi küçələrindən keçib. Nəqliyyat vasitələrinin bəzədilməsinə 25 milyon ədəd müxtəlif gül işlədilib.
Maşınların paradını şəhər sakinləri və qonaqlar alqışlarla qarşılayıblar. Bildirilib ki, gül bayramında 2,5 milyon turistin iştirak edəcəyi gözlənilir. Tədbir iyunun 4-dək davam edəcək.
Qulu KƏNGƏRLİ
Namanqan
.jpeg)
