Amerikada yaşayan yerli hindu tayfaları xəstəlikləri və digər problemləri təbiətin onlara verdiyi nemətlərdən istifadə edərək müalicə ediblər.
Saç tökülməsi və keçəlləşmə keçmiş zamanlarda da sağlamlıqla bağlı problem sayılırdı. Hindular bunun da çarəsini təbiətdə tapırdılar.
Otuz yaşa qədər saçlar effektivliyini saxlasa da, sonradan problem meydana gəlir. “Arab Women's World” YouTube kanalının müəllifləri problemi aradan qaldıran hindu sirrini paylaşıblar.
Antioksidantlarla zəngin 1 xörək qaşığı qurudulmuş mixək, həmçinin qaşıntıları aradan qaldıran və vaxtından əvvəl saç ağarmasına qarşı 5 dəfnə yarpağı, 3 orta rozmarin (bibəriyyə, mərzə də adlanır) götürülür. 2 stəkan isti suda 10 dəqiqə dəmlədikdən sonra həlim süzülür.
Məhlul saç köklərinə çilənib ovuşdurulur, amma yuyulmur. Prosedur həftədə 2 dəfə təkrarlanmalıdır. İlk həftənin sonu dəyişiklik hiss olunur.
Zərifə HÜSEYNOVA, “Xalq qəzeti”