Şotlandiyalı alimlər Britaniyada ilk dəfə qoyunların atmosferə buraxdığı parnik qazlarının miqdarını ölçmək üçün xüsusi portativ avadanlıqdan istifadə ediblər. Bununla bağlı “bbc.com” məlumat yayıb.
Aydın olub ki, hər qoyun gündə 30 litr metan buraxır. Hazırda dünyada, təxminən, 1,3 milyard qoyun olduğunu nəzərə alsaq, bu təsir o qədər də kiçik deyil.
Qeyd edək ki, iqlim dəyişikliyinə təsir edən bütün atmosfer çirkləndiricilərinin 30 faizini metan təşkil edir. O, karbon qazından sonra ikinci yerdədir.
