Gələn ay baş tutacaq WWDC 2023 konfransı çərçivəsində Apple şirkətinin öz ilk qarışıq reallıq (AR + VR / Mixed Reality) cihazını təqdim edəcəyi gözlənilir. Məşhur analitik Ming-Chi Kuonun sözlərinə əsasən, Apple artıq MR cihazın ikinci nəsli üzərində çalışır.
Analitik, həmçinin bildirib ki, şirkət MR cihazın ikinci nəslini iki versiyada təqdim etməyi planlaşdırır. Söhbət, MR cihazın adi, həmçinin Pro versiyalarından gedir.
Mediaya ötürülən məlumatda qeyd edilib ki, Apple birinci MR cihazdan fərqli olaraq ikinci nəsil MR cihazların 9 dəfə daha çox satılmasına nail olmaq niyyətindədir. Qeyd etmək lazımdır ki, birinci MR cihaz hələ heç satışa belə çıxarılmayıb. Son məlumat sızıntılarına əsasən, şirkətin ilk MR cihazı 3000 dollar satış qiymətinə sahib olacaq. Analitiklərin sözlərinə əsasən, Apple üçün tamamilə yeni olan bu məhsulu birinci il ərzində 7–10 milyon ədəd satıla bilər. Ming-Chi Kuonun fikrincə, MR cihazın ikinci nəslini 2025-ci ilə kimi gözləmək lazım gələcək.
Z.BƏŞİRQIZI, “Xalq qəzeti”
