UEFA Konfrans Liqasında 2022-2023-cü illər mövsümünün qalibi müəyyənləşib. Belə ki, turnirin finalında İtaliyanın "Fiorentina" və İngiltərənin "Vest Hem" klubları qarşılaşıblar. "Anadolu" agentliyinin məlumatına görə, Çexiyanın paytaxtı Praqadakı "Eden Arena"da keçirilən görüşdə İngiltərə təmsilçisi rəqibi 2:1 hesabı ilə məğlub edib.
Bununla da, London təmsilçisi UEFA Konfrans Liqasının da qalibi olub.
Qeyd edilir ki, ilk qolu 62-ci dəqiqədə "Vest Hem"in futbolçusu Səid Benrahma vurub. Əlcəzairli hücumçu 11 metrlik cərimə zərbəsini (penalti) dəqiq yerinə yetirib. Cəmi 5 dəqiqə sonra "Fiorentina" tarazlığı bərpa edib. Cakomo Bonaventura hesaba tarazlıq gətirib. Lakin matçın taleyini 90-cı dəqiqədə Carrod Bouenin vurduğu qol həll edib.
Qeyd edək ki, UEFA Konfrans Liqası turnirinin ilk qalibi ötən il İtaliyanın "Roma" klubu olub.
Elçin ABBASOV,
"Xalq qəzeti"
