Bu gün Misli Premyer Liqasında XXVIII tur start götürəcək. Peşəkar Futbol Liqasının yaydığı məlumata görə, bahar bayramından sonraya təsadüf edən çempionatın ilk matçı saat 15:30-da “Turan-Tovuz” və “Sumqayıt” klubları arasında keçiriləcək.
Turun digər iki qarşılaşması sabah keçiriləcək. Belə ki, saat 15:30-da “Kəpəz” klubu “Səbail”i qəbul edəcək. Günün digər oyununda “Zirə” komandası “Neftçi” ilə qarşılaşacaq. Həmin matç saat 19:30-da start götürəcək.
Ölkə çempionatı bazar günü başa çatacaq. İstirahət günü saat 15:30-da “Şamaxı” “Qarabağ”la qarşılaşacaq. Tura “Sabah” – “Qəbələ” matçı ilə yekun vurulacaq. Həmin görüş saat 18:00-da başlanacaq.
Elçin AĞAMİRZƏ,
“Xalq qəzeti”
