Bakı Dövlət Universitetinin (BDU) Tələbə Gənclər Təşkilatının təşəbbüsü ilə “Gənclik həftəsi 2” layihəsinə start verilib.
BDU-dan “XQ”-yə bildirilib ki, 4 gün davam edəcək layihədən məqsəd tələbələrin dünyagörüşlərinin artırılması, asudə vaxtlarının səmərəli keçirilməsi, onlara könüllülük dəyərlərinin aşılanmasıdır.
Açılış mərasimində çıxış edən universitetin Tələbə Gənclər Təşkilatının sədri Ələkbər Həsənov qeyd edib ki, sabahın ali təhsilli mütəxəssislərinin vətənpərvər, sağlam və intellektual ruhda inkişafı üçün belə vacib layihələrin təşkili davamlı olacaq. “Gənclik həftəsi 2” çərçivəsində BDU tələbələri dərsdən sonrakı vaxtlarda intellektual əyləncələrə qatılacaq, yarışlarda qüvvələrini sınayacaq, təlimlərdə iştirak edəcəklər.
Layihədə fəallığı ilə fərqlənən gənclərə sertifikat və hədiyyələr veriləcək.
XQ
.png)
