Hər şeydən Vətən yaxşı. Bu adi bayatı misrası yox, isti qoynundan uzaqlaşan kimi bütün varlığınla hiss edə, duya biləcəyin bir yaşantıdır.
Əbəs yerə ana Vətən demirik ki?
Əbəs yerə bizə doğma olan ünvanı ata ocağı, ata yurdu adlandırmırıq ki?
Vətən bizim üçün ana qucağı, ata ocağı kimi əzizdir, müqəddəsdir, əvəzolunmazdır.
Amma görünür ki, təkcə bizim üçün yox...
Bəs işğaldan azad olunandan sonra quşların ağaclarda cüt-cüt, iki-iki, üç-üç yuva qurmağına nə deyəsən?
Haqq savaşında qazanılan möhtəşəm qələbədən sonra hansı bölgəyə üz tutsan, oradakı ağacların budaqlarında quşların yuvaları ilə üzləşmək mümkündür. Deməli, təkcə sakinlər deyil, quşlar da öz isti yuvalarına dönmək həsrətində imişlər.
Necə deyərlər, hər kəsə öz Vətəni, hər quşa öz yuvası...
Süleyman QARADAĞLI
