Muxtar respublikada sosial qay­ğıya ehtiyacı olan məktəblilərə qış geyimləri verilib.

Bu münasibətlə təşkil olunan görüş­də Naxçıvan Muxtar Respublikasında Azərbaycan Respublikası Prezidenti­nin Səlahiyyətli Nümayəndəliyinin me­dia məsələləri üzrə məsul şəxsi Günay Malikqızı, Muxtar Respublika Ailə, Qa­dın və Uşaq Problemləri üzrə Dövlət Komitəsinin sədri Ramilə Seyidova, təhsil nazirinin müavini Elxan Nəcəfov, əmək və əhalinin sosial müdafiəsi na­zirinin müavini Nicat Babayev və Həm­karlar İttifaqları Şurası sədrinin müavini Ramiz Cəfərov muxtar respublikada həyata keçirilən dövlət uşaq siyasətinin uğurlu nəticələri haqqında məlumat ve­riblər. 

Bildirilib ki, bu gün bütün kateqori­yalardan olan uşaqların hərtərəfli inki­şafı üçün ardıcıl tədbirlər görülür. On­ların hüquqlarının və sağlamlıqlarının qorunması, sosial müdafiəsinin, asudə vaxtlarının səmərəli təşkili, istedadları­nın üzə çıxarılması ilə bağlı tədbirlər, o cümlədən monitorinqlər, seminarlar keçirilir. 

Mərasimdə sosial qayğıya ehtiyacı olan bir qrup uşağa qış geyimləri təq­dim edilib. Hər iki valideynini itirmiş və ya valideyn himayəsindən məhrum olan, tək valideynli, sağlamlıq imkanları məhdud, aztəminatlı, çoxuşaqlı, şəhid, qazi övladları olmaqla, 40 uşağa Nax­çıvan Muxtar Respublikası Ailə, Qadın və Uşaq Problemləri üzrə Dövlət Ko­mitəsinin, 264 uşağa Naxçıvan Muxtar Respublikasının Həmkarlar İttifaqları Şurasının, 150 uşağa isə Naxçıvan Muxtar Respublikası Əmək və Əhalinin Sosial Müdafiəsi Nazirliyi adından qış geyimi verilib. Ümumilikdə, 454 xüsusi qayğıya ehtiyacı 

Sosial qayğıya ehtiyacı olan şagird­lərin valideynləri adından çıxış edən Turanə Tağıyeva uşaqlara göstərilən bu diqqətə görə dövlət rəhbərliyinə minnətdarlığını bildirib. 

Səbuhi HƏSƏNOV
XQ

Naxçıvan