Oktyabrın 15-i Ümumdünya Əllərin Yuyulması Günüdür.
Həmin gün ilk dəfə 2008-ci ildə BMT Baş Assambleyası tərəfindən keçirilən “Sanitariya ili” çərçivəsində BMT-nin Uşaq Fondu tərəfindən elan olunub. Onun elan edilməsinə dəstək olaraq həmin gün dünyada 70-dən çox ölkədə 120 milyondan çox uşaq sabunla əllərini yuyub.
Elə görünə bilər ki, əllərin yuyulması hər kəsin şəxsi işidir və hər kəs ona öz təmizkarlığı və tərbiyəsinə uyğun olaraq əməl edir. Digər tərəfdən, BMT-nin və Ümumdünya Səhiyyə Təşkilatının mütəxəssislərinin qeyd etdiyi kimi, dünya miqyasında yanaşılanda yuyulmamış əllərin problemi xoşagəlməz nəticələrə səbəb olur. Çirkli əllər vəba, virus pnevmoniyası, hepatit, qrip, difteriya, konyunktivit, qaşınma və müxtəlif göbələk xəstəliklərinə yoluxma riskini dəfələrlə artırır.
Yuyulmamış əllər vasitəsilə vəba, pnevmoniya, hepatit, qrip və s. kimi xəstəliklərin patogenləri insan orqanizminə daxil olur. “Çirkli əllər” Asiya və Afrikada yüksək uşaq ölümünün əsas səbəblərindən biridir, çünki əllərin düzgün yuyulmaması vəba, difteriya, pnevmoniya, hepatit, qrip və soyuqdəymə, konjonktivit, qaşınma və müxtəlif göbələk xəstəlikləri kimi xəstəliklərə səbəb ola bilər. UNICEF-in məlumatına görə, “çirkli əllər xəstəliyi” nəticəsində hər gün beş min uşaq həyatını itirir. Yeməkdən əvvəl və tualetdən istifadə etdikdən sonra əllərini sabunla təmiz yuyulması onların həyatdan vaxtsız getməsinin qarşısını ala bilər.
Üstəlik, patogenlərin ötürülməsi həm birbaşa - məsələn, sadə əl sıxma, həm də dolayı yolla -çirklənmiş səthlər, yumşaq oyuncaqlar və məişət əşyaları vasitəsilə baş verir. Uşaqlar başa düşməlidirlər ki, ətrafımızda olan bütün əşyalarda (qələmlər, kitablar, oyuncaqlar, qapı tutacaqları, telefonlar və s.) rast gəlinən kir çox vaxt gözə görünmür. Həmin çirk yuyulmamış əllər vasitəsilə ağızdan bədənə daxil olur və bununla da müxtəlif xəstəliklər yaranır. Ona görə müntəzəm əlyuma kimi sadə gigiyena proseduru hər gün minlərlə uşağın həyatını xilas edə bilər. Həmin prosedur orqanizmin zərərli virus və infeksiyalara yoluxmasının qarşısını almaqla yanaşı, insanların həyatını daha rahat, xoş və təhlükəsiz edir.
