Dövlət-Tibbi Sosial Ekspertiza və Reabilitasiya Agentliyinin təşkilatçılığı ilə ölkəmizə gətirilərək reabilitasiya tədbirlərinə cəlb edilən 30 ukraynalı uşağın İsmayıllı rayonuna da ekskursiyası təşkil edilib.
Uşaqlar rayonun Basqal qəsəbəsindəki tarixi irsimizlə tanış olub, öz koloritini qoruyub saxlayan qədim məkanı gəziblər. Bundan əvvəl isə onlar Qəbələ Arxeoloji Mərkəzində olublar və orada uşaqlara Azərbaycanın tarixi barədə əyani eksponatlar vasitəsilə məlumat verilib.
Agentliyin Qəbələ Uşaq Reabilitasiya Mərkəzində yerləşdirilən uşaqların emosional vəziyyətlərinin stabilləşməsinə, eləcə də cəmiyyətə inteqrasiyalarının təmin edilməsinə dəstək göstərilir. Onlar müalicəvi masaj, hovuz və vanna, art-terapiya, əmək terapiyası, peşəkar psixoloqlar tərəfindən keçirilən fərdi və qrup terapiyalarında iştirak edirlər.
Ukraynalı uşaqlar Şamaxıya da səfər edəcəklər.
Zərifə HÜSEYNOVA
XQ
