DOST İş Mərkəzi tərəfindən Naxçıvan Muxtar Respublikasında daha 500 nəfərin “İşsizin dostu” proqramına cəlb edilməsinə başlanıb. Əmək və Əhalinin Sosial Müdafiəsi Nazirliyindən verilən xəbərə görə, onlardan artıq 100 nəfəri proqram çərçivəsində ödənişli ictimai işlərlə təmin ediliblər. Qalan 400 nəfərin də proqram çərçivəsində məşğulluğunun təminatı üçün işlər aparılır.
Bundan əvvəl də DOST İş Mərkəzi Naxçıvan MR-də ilk layihəsi olaraq 500 şəxsi işlə təmin edib və hazırda regionda 600 nəfər proqramı üzrə müxtəlif işlərdə çalışır. Bununla da, Naxçıvan MR-də həmin proqrama cəlb edilənlərin sayı 1000-ə çatacaq. Ödənişli ictimai işlərə cəlb edilən hər bir şəxslə əmək müqaviləsi bağlanır ki, həmin şəxslərin gələcək pensiya hüquqları təmin ediləcək.
Zərifə HÜSEYNOVA
XQ
