Əmək və Əhalinin Sosial Müdafiə Nazirliyi Dünya Bankının maliyyə dəstəyi ilə icra olunan “Məşğulluğa Dəstək Layihəsi” ilə bağlı Qusar rayonunda növbəti ictimai dinləmə təşkil edib. Görüşün məqsədi layihə barədə məlumatlılığı artırmaq və nəzərdə tutulmuş hədəf kateqoriyalarını layihəyə cəlb etmək olub.
İşaxtaran və işsizlərin iştirak etdiyi görüşdə layihənin hədəf və məqsədləri, əhatə dairəsi, layihənin icrası zamanı ətraf mühit və sosial məsələlərə dair tələblər diqqətə çatdırılıb. Proqramın gözlənilən faydaları, eləcə də müraciət və iştirak qaydalarına dair ətraflı məlumat verilib, iştirakçıları maraqlandıran suallar cavablandırılıb. Tədbirin sonunda iştirakçılara layihə və təqdim edilən biznes zərflər barədə məlumatların əks olunduğu çap materialları paylanıb.
Zərifə HÜSEYNOVA
XQ
