Sumqayıt şəhər Corat qəsəbəsi daxilində yerləşən çimərlikdə sahilyanı təmizlik aksiyası keçirilib, 3 hektardan artıq sahil zolağı plastik və digər tullantılardan təmizlənib.

Aksiya Beynəlxalq Dəniz Günü ilə əlaqədar ölkəmizdə qeyd edilən “Xəzər həftəsi” çərçivəsində IDEA İctimai Birli­yi və Bakı Dövlət Universitetinin “Eko­logiya və torpaqşünaslıq” fakültəsinin birgə təşkilatçılığı, Ekologiya və Təbii Sərvətlər Nazirliyi və “Təmiz Şəhər” ASC-nin dəstəyi ilə təşkil olunub. 

Tədbirin keçirilməsində məqsəd sa­hilyanı ərazilərin məişət tullantıları ilə çirklənməsinin qarşısını almaq, Xəzər dənizinin və sahil zonasının ekoloji və­ziyyətinin yaxşılaşdırılmasında ictima­iyyətin rolunu artırmaqdır. 

“Xəzər həftəsi” çərçivəsində ke­çirilən təmizlik aksiyası dənizin eko­loji cəhətdən saflığının qorunmasına, onun sərvətlərinin mühafizə olunması­na, eyni zamanda, ictimaiyyətin maarif­ləndirilməsinə xidmət edir. IDEA İctimai Birliyi hər kəsi Xəzər dənizinin sahillə­rini çirklənmədən qorumağa və onun sərvətlərinin mühafizə olunmasında birlikdə olmağa çağırır.

XQ