Günəş şüaları azaldıqca və bədən soyuğa qarşı səfərbər olduqca, insan psixikası mövsümi affekt vəziyyətə keçir. Klinik psixoloq Denis Dolqov payız düşkünlüyündən çıxmaq üçün gur işıqlandırmadan istifadəni tövsiyə edib.
O, bildirib ki, gündüzün qısalması, Günəş işığının azalması ilə orqanizmdə melotonin və serotonin istehsalı azalır, buna görə psixika depressiyaya meyil edir. Bunun qarşısını almaq üçün müraciət edənlərə evdə və iş yerlərində ağ, gur işıqlanmadan istifadə etməyi, gündüz açıq havada bir az gəzməyi, D vitaminini artırmağı və idman etməyi məsləhət görürük.
Serotonin hasil edən qidaların rasiona daxil edilməsi məsləhətdir. Bunlar banan, balıq, meyvələr, çərəz, xurma, qara şokolad, kakao, pendir, nanə, çobanyastığı, Melissa çayı, müxtəlif vitaminlər, quru əncir ola bilər.
Psixoloq deyib ki, əgər bunlar sizin əhvalınızın düzəlməsinə kömək etmirsə, deməli, sizdə klinik depressiya ola bilər, bunun üçün ləngimədən psixiatra müraciət etmək məsləhət görülür.
Z.HÜSEYNLİ
XQ
