Türkiyədə “Heydər Əliyevin həyatının 100 anı” (100 moments of Heydar Aliyevs life) kitabının ingilis dili versiyasının təqdimat mərasimi keçirilib.
“Türkiyə Jurnalistlər Birliyinin” Mətbuat Muzeyində “Mərmərə Qrupu” Strateji və Sosial Araşdırmalar Vəqfi ilə “Azərbaycanım” beynəlxalq jurnalı tərəfindən birgə təşkil olunan təqdimatda rəsmi şəxslər, deputatlar, ictimai-siyasi xadimlər, KİV nümayəndələri iştirak ediblər.
Kitabın müəllifi, tanınmış publisist Emil Nəsirli ümummilli lider Heydər Əliyev həyatını Azərbaycanın müstəqilliyinə, ölkəmizin inkişafına, xalqımızın firavan gələcəyinə həsr etdiyini bildirib.
Çıxışında Ulu öndərlə bağlı xoş xatirələrini bölüşən “Mərmərə Qrupu” Strateji və Sosial Araşdırmalar Vəqfinin sədri professor Akkan Suver əminliklə vurğulayıb ki, Ümummilli liderimizin müəyyən etdiyi uzaqgörən dövlətçilik strategiyası onilliklər boyu Türk dünyasının birliyinə, Türkiyə–Azərbaycan qardaşlığının inkişafına töhfələr verəcək.
Türkiyənin ekologiya naziri Ali Talip Özdemir, professor Özgur Çengel və digərlərinin çıxışlarında Ulu öndər şəxsiyyətinin ucalığından bəhs olunub.
“Xalq qəzeti”
