Əmək və əhalinin sosial müdafiə­si naziri Sahil Babayev Salyan rayo­nunda vətəndaşlarla görüş keçirib. Qəbulda Salyan və Neftçala rayonla­rı sakinlərinin sosial təminat, əlillik və reabilitasiya, mənzillə təminat, məşğulluq, özünüməşğulluq proq­ramına cəlb edilmə və s. məsələlərə dair müraciətləri dinlənilib.

Müraciət edən vətəndaşların bir hissəsi şəhid ailələrinin üzvləri və mü­haribə veteranları olub. Müraciətlərin hər birinin fərdi qaydada araşdırılaraq nəticəsinə uyğun tədbirlər görülməsi təmin edilib. Vətəndaşlar aktiv məş­ğulluq proqramlarına, o cümlədən özünüməşğulluq, ictimai işlər proqram­larına, reabilitasiya xidmətlərinə cəlb edilmələri üçün qeydiyyata alınıblar.

***

Nazir S.Babayev rayonun icra başçısı ilə müharibə iştirakçıları üçün yaradılmış kiçik təsərrüfatlara baş çəkib. 

Vətən müharibəsi iştirakçıları olan Əliyev Murad Mətləb oğlu avtoelekt­rik xidmətləri, Ələsgərov Ramil Əmi­raslan oğlu isə qoyunçuluq üzrə kiçik ailə təsərrüfatlarını yaratmaları üçün özünüməşğulluq proqramı çərçivə­sində aktivlərlə təmin ediliblər. Görüş zamanı təsərrüfat sahibləri müharibə iştirakçıları ilə bağlı ölkəmizdə həyata keçirilən sosial dəstək tədbirlərinə görə Azərbaycan Prezidenti İlham Əliyevə minnətdarlıqlarını bildiriblər. 

Qeyd edək ki, dövlət başçısının göstərişinə uyğun olaraq postmüha­ribə dövründə şəhid ailələrinin üzvləri və müharibə iştirakçıları ilə bağlı Əmək və Əhalinin Sosial Müdafiəsi Nazirliyi tərəfindən həyata keçirilən genişmiq­yaslı sosial dəstək proqramı 124 min şəxsi əhatə edib, onlara 290 min xid­mət göstərilib. 18 min şəxs aktiv məş­ğulluq proqramlarına, o cümlədən 10 min şəxs özünüməşğulluq proqramına cəlb olunub. 

***

Sosial Xidmətlər Agentliyi bu ilin ötən dövründə məişət zorakı­lığından zərər çəkmiş 34 nəfəri so­sial reabilitasiya xidmətlərinə cəlb edib. Onlardan 10 nəfəri valideyn, 24 nəfəri isə uşaqlardır. Bu barədə Əmək və Əhalinin Sosial Müdafiəsi Nazirliyinin ictimaiyyətlə əlaqələr şöbəsindən aldığımız məlumatda bildirilir. 

Qeyd edilir ki, həmin şəxslər agent­liyin müvafiq müəssisəsində 2021-ci ildən fəaliyyət göstərən məişət zorakı­lığından zərər çəkmiş şəxslər üçün şö­bədə reabilitasiya xidmətləri ilə əhatə olunublar. Ötən dövrdə 175 şəxs reabi­litasiya xidmətləri ilə təmin edilib. 

Müasir tələblərə uyğun şəraitin yaradıldığı reabilitasiya şöbəsində sakinlərə sosial-məişət, sosial-iqtisa­di, sosial-psixoloji, tibbi-sosial, sosi­al-məsləhət yardımı xidmətləri göstə­rilir, onların mədəni-asudə vaxtlarının təşkili və s. istiqamətlərdə işlər aparılır.

Z.HÜSEYNOVA, “Xalq qəzeti”