Səhiyyə Nazirliyi 2 nömrəli Bakı Baza Tibb Kollecində müəssisənin 2022 – 2023-cü tədris ilinin məzunları üçün əmək yarmarkası təşkil edib. “Karyerada ilk addım” devizi ilə keçirilən tədbirə kollecin “tibb bacısı işi”, “mamalıq işi”, “müalicə işi” ixtisasları üzrə 405 məzunu cəlb olunub. 

Əsas məqsəd gənclərin işlə təmin olunmasıdır. Qeyd edilib ki, müxtəlif işə­götürən qurumlar vaxtaşırı kollecə müra­ciət edib, orta ixtisaslı tibbi kadrlara eh­tiyacları olduğunu bildirir və məzunlarla əlaqə saxlamaq istəyirlər. 

Həmin məzunların işlə təmin olunma­sı məqsədilə kollec onların işəgötürən dövlət orqanları və qurumlarının, o cüm­lədən Səhiyyə Nazirliyinin və TƏBİB-in tabeliyində olan tibb müəssisələri, digər dövlət və özəl tibb və aptek təşkilatlarının nümayəndələri ilə görüşlərini təşkil edir.

Kollec tərəfindən tədbirdən əvvəl mə­zunlar üçün CV tərtibi və özünü təqdimetmə üzrə təlim keçirilib. Eyni zamanda, tibb müəssisələrinin və aptek təşkilatları­nın nümayəndələri məzunlarla görüşərək vakansiyalar barədə məlumat verib və məzunların suallarını cavablandırıblar. 

Z.BƏŞİRQIZI, “Xalq qəzeti”