Rusiya vilayətlərinin birində 15 yaşlı yeniyetmə valideynlərinə dostunun yanında gecələyəcəyini deyib və onunla kompüter oyununa başlayıb. 12 saat kompüter arxasında oturduqdan sonra uşaq xəstəxanalıq olub. Əvvəlcə nitqi pozulub, sonra qıcolmalar başlayıb. Yeniyetmə xəstəxanaya çatdırılıb və onda beynin ödemi aşkarlanıb.
Bu onu göstərir ki, xroniki problemlərlə birgə kompüter qarşısında keçirilən vaxt insanı ölümə sürükləyə bilər. Kompüter asılılığı çox vaxt bir sıra somatik problemlərlə müşayiət olunur. Hipodinamiyadan əzələlər zəifləyir, duruş pisləşir və skoliyoz inkişaf edir.
Oyuna həvəsli olan uşaqlar tez-tez aclıq və yuxusuzluq hiss etmirlər. Nəticədə orqanizm bərpa olunmayacaq həddə çatır.
Z.HÜSEYNOVA, “Xalq qəzeti”
