2023-cü il fevralın 6-da Türkiyənin 10 şəhərinə və 13 milyon əhalisinə təsir edən Kahramanmaraş mərkəzli zəlzələ nəticəsində Türkiyənin aparıcı müdafiə sənayesi şirkəti “ASELSAN” da bir çox şirkət və qurumlar kimi ölkənin imdadına çatdı. Bununla belə, “ASELSAN”I zəlzələdən sonrakı xilasetmə fəaliyyətlərində fərqləndirən bir neçə xüsusiyyət vardır. Gəlin bunlara daha yaxından nəzər salaq:
1. İlk növbədə “ASELSAN”, öz təşəbbüsü ilə yaratdığı “ASİL” Assosiasiyası vasitəsilə zəlzələnin ilk saatlarından bölgəyə 5 milyon manatdan çox material göndərmiş və 2-ci mərhələdə də əlavə olaraq 10 milyon manatlıq yardım etmək qərarına gəlmişdir.
2. “Türkiyə Bir Ürək” kampaniyasında Müdafiə Sənayesi Komitəsi tərəfindən açıqlanan təxminən 325 milyon manatlıq yardım paketində lider kimi yer tutdu.
3. Təqdim etdiyi maddi və nağd pul yardımı ilə yanaşı, “ASELSAN” tərəfindən hazırlanmış texnologiyalar zəlzələ zamanı və sonra fasiləsiz olaraq fəaliyyətini davam etdirir.
a. Bölgədə qurulan rabitə sistemləri, o cümlədən Jandarma İnteqrasiya Rabitə və İnformasiya Sistemi (JEMUS) zəlzələnin ilk saatlarından etibarən fasiləsiz olaraq fəaliyyətini davam etdirir.
b. “ASELSAN”ın termal kameraları həyat əlaməti olan insan nəfəsini hiss etmək üçün axtarış-xilasetmə işlərində qrupların xidmətində can qurtarır.
c. Həyat qurtaran yerli respiratorlar – xəstəxanalara dəstək verməyə, zəlzələdən zərər çəkmiş insanları yaşatmağa və nəfəs almağına kömək göstərməyə davam edir.
4. “ASİL” dərnəyi nəzdindəki “ASELSAN” personalı tərəfindən könüllü olaraq yaradılan axtarış-xilasetmə qrupları, fəlakətin təsirlərinin ən çox hiss olunduğu Hatayda dağıntılarda axtarış-xilasetmə işləri həyata keçirir. “ASELSAN” tərəfından quraşdırılan Fəlakət və Logistika Mərkəzi fəlakətdən sağ çıxan vətəndaşları qəbul etmişdir. Yaşayış, qidalanma, sağlamlıq, təhsil və logistika imkanları olan mərkəzin qurulması üçün isə heyət gecə-gündüz çalışmaqdadır.
Bundan əlavə, Azərbaycanda “ASELSAN”ın 100 faizlik sərmayəsi ilə yaradılan və bu il 25 illik yubileyini qeyd edən “ASELSAN” Bakı şirkəti də qardaş Türkiyədə baş vermiş zəlzələnin səbəb olduğu faciənin tez bir zamanda aradan qaldırılmasına kömək olmaq məqsədi ilə Azərbaycandan “Qardaş Köməyi” Platformasına qoşulmuş, 1 tırdan çox geyim, çadır, yataq ləvazimatları Türkiyəyə göndərmiş və hazırda da 4 nəfərdən ibarət işçi heyəti ilə Türkiyədə konteyner və çadır şəhərciklərinin quraşdırılmasına kömək etməkdədirlər. Xüsusilə belə çətin zamanlarda “ASELSAN” kimi şirkətlərin faydası daha yaxşı başa düşülür. Fəlakətin fəsadlarının tez bir zamanda aradan qaldırılması məqsədi ilə “ASELSAN” “dövlətimizin və millətimizin yanındayıq, biz birlik və həmrəyliklə bunun öhdəsindən gələcəyik” deyərək ilk gündən etibarən həm mühəndislik gücünü, həm də sistemlərini bölgə üçün də səfərbər etmişdir. Belə bir zamanda var gücüylə dəstək olmağa çalışan “ASELSAN” göndərdiyi yardımlarla bərabər, həm də öz milli texnologiyaları, radio stansiyaları, rabitə sistemləri, səhiyyə sistemləri və ərazidəki işçi heyətiylə Türkiyə xalqının yanında olmaqda davam edir.