Ermənilərin satın aldıqları Lindsi Snellin davakar bəyanatları

Son günlər şahidi olduğumuz faktlar “Axsaq atın kor nalbəndi” el məsəlinin az da olsa dəyişdirilməsini zəruri edir: “Axsaq erməninin sarsaq müdafiəçisi”. İndi dünyanın bütün ölkələri nəinki öz ərazilərinə, hətta yerləşdiyi regiona kosmosdan nəzarət edə bilirlər. Yəni hansısa məsuliyyətsiz adamın meşə yanğınına səbəb olacaq hərəkətləri də göz qabağındadır, nəinki qoşunların şərti sərhəddə atəş pozulması.

Azərbaycan Müdafiə Nazirliyi bir neçə gün əvvəl xəbər yaymışdı ki, Ermənistan silahlı qüvvələrinin bölmələri avqustun 16-da saat 03:20 radələrində Naxçıvan Muxtar Respub­likasının Sədərək rayonu istiqamətin­də yerləşən Azərbaycan Ordusunun mövqelərini atəşə tutublar. Bu məlu­mat yayılan kimi işğalçıların, terror və təxribat törətməkdən əl çəkə bilməyən Ermənistanın havadarları hər tərəfdən banlamağa başladılar. 

Amerika Erməni Assambleyasının və ABŞ-dəki digər erməni təşkilatları­nın vəsaiti hesabına dünyanı (əslində, dünyanı yox, ancaq ermənilərin məs­kunlaşdıqları ölkələri) gəzib dolaşan, özünü hər yerdə “Amerika hərbi jur­nalisti” kimi qələmə verən Lindsi Snell dərhal düy vurdu ki, Azərbaycan öz planlı təcavüzlərinə haqq qazandır­maq üçün yenidən Ermənistanın atəş­kəs rejimini pozmasını uydurur. Bəri başdan qeyd edim ki, bu adam müəm­malı qurumların agentidir və aşağıda o barədə söz açacağıq. 

Onu da xatırladım ki, Lindsi Snell 44 günlük İkinci Qarabağ müharibəsi zamanı Artsaxda idi. Ondan əvvəl Su­riyada, İraqda, Livanda, Türkiyədə və nəhayət, sonda Azərbaycan ərazisində olmuşdur. 

Deyir ki, müharibə və münaqişə bölgələrində olmaq mənim vəzifə bor­cumdur. Məgər dünyanın ermənilər yaşamayan ərazilərində münaqişə yoxdur? Sən öz vəzifəni nə üçün Hindistan – Pakistan, Çin – Tayvan, şimallı-cənublu koreyalar arasındakı münaqişələrdə, Avropanın daxilində­ki problemlərdə davam etdirmirsən? Çünki sənin pulunu verənlər getməli olduğun konkret ünvanları da göstə­rirlər. Elə olmasaydı, güllə altındakı Qarabağda nə işin var idi? 

Xanım deməyə dilim gəlməyən Lindsi Snell, deyirsən ki, Suriyada, İraqda, Livanda, Türkiyədə ... mü­naqişələrin davam etdiyi çox ölkədə olmusan. Ancaq azərbaycanlıların er­mənilərə olan nifrətini heç yerdə gör­məmisən.

İndi mən səndən soruşuram, ay bədnam qadın, biz İkinci Dünya mü­haribəsində faşistlərin törətdiyi fa­ciələrdən də qat-qat ağır olan Xocalı soyqırımının baiskarlarını rəğbətlə qarşılamalıydıqmı? O faciəni ki, bir gecədə 63-ü uşaq, 106-sı qadın, 70-i qoca və qarı olmaqla, 613 sakin qət­lə yetirilmiş, 8 ailə tamamilə məhv edilmiş, 25 uşaq hər iki valideynini, 130 uşaq valideynlərindən birini itir­mişdi. Düşmən gülləsindən 76-sı uşaq olmaqla, 487 nəfər yaralanmış, 1275 nəfər əsir götürülmüşdü. Əsir götü­rülənlərdən 150 nəfərinin, o cümlədən 68 qadın və 26 uşağın taleyi bu günə­dək məlum deyil. Bütün bunlardan sonra insan qanı içməkdən həzz alan erməni vəhşilərini bağrımıza basma­lıydıqmı? 

Sən erməni mətbuatına verdiyin müsahibədə deyirsən ki, Xankəndində yaralanmış 13 yaşlı erməni uşağın və onun həlak olmuş 16 yaşlı qardaşının heç bir günahı yox idi. Serj Sarkisya­nın və onun rəhbərlik etdiyi çaqqal sürüsünün məhv etdiyi xocalılı uşaq, qadın, qocaların hansı günahkar idi? 

Sən şərəfsizcəsinə yazırsan ki, 44 günlük müharibədən sonra azər­baycanlılar Qarabağdakı erməni əm­laklarını dağıdırlar. Sən dünya səy­yahlarının Xirosima ilə müqayisə etdikləri Ağdamın viranəliklərini görəndən sonra hansı haqla əmlakdan danışırsan? Sənin təmənna müqabi­lində müdafiə etdiyin ermənilər Azər­baycanın Qarabağ və Şərqi Zəngəzur adlı ərazilərindəki nəinki on minlərlə mədəniyyət, səhiyyə, elm, təhsil ob­yektini və mülki binaları, eləcə də bü­tün məscidlərimizi yer üzündən silib­lərsə, tam dağıdılmamış məsciddə isə öz əcdadlarını gətirib saxlayırdılarsa, sən hansı vicdanla əmlakın müdafiə edilməli olduğundan söz açırsan?

Yuxarıda qeyd etdiyim agent məsələsinə qayıdaraq isə xatırladım ki, Lindsi Snell altı-yeddi il qabaq Suriya ərazisindən qeyri-qanuni yolla Türkiyəyə keçərkən saxlanılmışdı. O zaman Türkiyənin Hatay əyalətinin rəhbəri olan Ərcan Topaca mətbuata bəyanatında demişdi ki, Snell ölkə­mizin sərhədlərini pozduğuna görə tutulmuş və həbs edilmişdir. Türkiyə mətbuatı həmin il sübut-dəlillərə əsas­lanaraq yazırdı ki, Lindsi Snell casus­dur. 

Lindsi bu ilin martında ermənilə­rin “Aysor.am” saytına verdiyi müsa­hibədə deyirdi ki, artsaxlıların Dağlıq Qarabağa qayıtması haqqında Azər­baycan rəhbərliyinin verdiyi vədlər unudulub. 

Əvvəla, Artsax da yoxdur, Dağlıq Qarabağ da. Hər ikisi gorbagor olub. İkinci Azərbaycanın verdiyi vədlə­rin heç birindən yayınmadığını bütün dünya bilir. Qarabağ erməniləri də həmçinin. Biz sözümüzün üstündə dururuq. Terrorçuluqla, qaniçənliklə məşğul olmayacaqlarsa, insan kimi yaşaya bilirlərsə, buyurub qayıtsınlar. Onu da bilirik ki, Qarabağ ermənilə­ri Azərbaycan vətəndaşlığını qəbul edərək ölkəmizə qayıdardılar. Ancaq onları ABŞ və Fransa, eləcə də Lindsi Snell kimiləri səhv yola istiqamətlən­dirdilər. 

Ona görə də bu “hərbçi jurnalist” şinelində olan agent Lindsi Snellə xa­tırladırıq ki, bundan sonra Azərbayca­na heç bir təsir göstərə bilməyəcəksi­niz. Törətdiyiniz bütün bəd əməllərin zərərdidəsi Ermənistan olacaq. Onlara da pislik etdiyiniz yetər. Yazıqdırlar. Əl çəkin. İmkan verin bu bədbəxt xalq öz yolunu tutub, öz həyatını qursun. 

İttifaq MİRZƏBƏYLİ