Azərbaycana antiterror əməliyyatı keçirmək niyə olmaz?

Rusiya və ABŞ münaqişə tərəflərinə müraciət edərək siyasi və diplomatik həll yoluna qayıtmağın zəruriliyini vurğulayıb. Bu barədə “Röyter”agentliyinin yay­dığı məlumatda bildirilib ki, Azərbaycan çərşənbə günü etnik ermənilərin nə­zarətində olan Dağlıq Qarabağa zərbə endirib. 

Ermənipərəst Qərb ölkələrinin Azər­baycanın lokal antiterror əməliyyatına belə qərəzli münasibətindən aydın olur ki, bəzi ölkələr antiterror əməliyyatları keçirə bilər, Azərbancana isə belə imkan verilməməlidir. Yəni, Ukrayna və Gürcüs­tan ərazisində suverenliyini bərpa edə bilər, Azərbaycan isə yox? Ukrayna öz ərazisində Rusiya qoşunlarına qarşı mü­barizə aparanda KİV-in reaksiyası belə olur: “Yaşasın Ukrayna!”. Gürcüstanda oxşar münaqişədə isə “İrəli, Gürcüstan!” yazırdılar. 

Azərbaycana gələndə Qərbdə fərqli münasibət sərgiləyirlər. Onun öz ərazi­sində antiterror əməliyyatını keçirməsi xristian aləmində qıcıq yaradır, hay-küyə səbəb olur. ABŞ Hərbi Dəniz Donanma­sı Ali Məktəbinin müəllimi, xarici siyasət üzrə ekspert Brenda Şaffer də elə bunu deyib: “Ancaq Azərbaycan 10 min ermə­ni qoşununu öz ərazisindən çıxarılmasını təmin etmək istəyəndə bu addım bəyə­nilmir, reaksiya belə olur: “Azərbaycanı dayandırmaq lazımdır. Təsəvvür edirsi­nizmi, ABŞ dövlət katibi Antoni Blinken Ukraynaya zəng edib, Kiyevdən Krım və ya Donetskdə terrorçulara qarşı hərbi ad­dım atmamağı xahiş etsin?”.

Azərbaycan isə öz ərazisində gələ­cək faciələrin qarşısını almaq üçün an­titerror əməliyyatını həyata keçirməli idi. Çünki Ermənistanın qanunsuz silahlı birləşmələrinin Qarabağda olması ən bö­yük təhlükə idi və təxribatlarla müşayiət olunurdu. Təbii ki, Azərbaycanın öz əra­zisini xarici hərbi qüvvədən təmizləmək hüququ var. Çünki ən böyük təhlükə qalırdı. ABŞ-ın Azərbaycandakı keçmiş səfiri Metyu Brayzanın bildirdiyi kimi, ən böyük təxribat Ermənistan tərəfdəndir, onun silahlı qüvvələri hələ də Azərbay­can ərazisində, Qarabağda yerləşirdi: Onlar beynəlxalq hüquq normalarına uyğun olaraq 10 noyabr 2020-ci il tarixli üçtərəfli Bəyanata əsasən Qarabağı tərk etməli idilər. Amma erməni əsgərləri Qa­rabağı tərk etmədilər”.

Əslində, Azərbaycanın Qarabağda həyata keçirdiyi lokal xarakterli antiterror tədbirləri Ermənistana müharibə deyil, ölkəmizdə olan və ərazi bütövlüyünü təh­did edən qeyri-qanuni erməni silahlı bir­ləşmələrinə qarşı idi. Təxminən, 10 min nəfər olduğu gümən edilən və Ermənis­tanın maliyyələşdirdiyi bu qeyri-qanuni birləşmələr bölgədəki insanların, o cüm­lədən, mülki ermənilərin əmlak və həyat təhlükəsizliyini təhdid edir, Azərbaycana qarşı cinayətlər törədirdi. Ona görə də Azərbaycan dövləti konstitusiyanın müd­dəalarını həyata keçirmək və regionda yaşayan mülki əhalinin, o cümlədən, öz erməni vətəndaşlarının təhlükəsizliyini təmin etmək üçün lokal antiterror tədbir­ləri həyata keçirdi. Məqsəd isə Qarabağ bölgəsində Ermənistan silahlı qüvvələri­nin hazırladığı genişmiqyaslı təxribatla­rın qarşısını almaq, üçtərəfli Bəyanatın tələblərinin həyata keçirilməsini təmin etmək, qeyri-qanuni erməni silahlı bir­ləşmələrini tərksilah etmək və bölgədən çıxarmaq, onların hərbi infrastrukturunu zərərsizləşdirmək idi.

“Röyter” agentliyinin terror əməliyyatı zamanı dinc əhalinin, guya zərər görmə­si barədə xəbəri də reallıqdan uzaqdır. Müdafiə Nazirliyinin mətbuat xidmətinin rəisi Anar Eyvazov antiterror tədbirlərinin gedişi barədə məlumat verərkən deyib: “Silahlı qüvvələrimiz tərəfindən keçirilən tədbirlər çərçivəsində mülki şəxslər və heç bir mülki obyekt qətiyyən hədəfə alınmır, yalnız legitim hərbi hədəflər böl­mələrimiz tərəfindən zərərsizləşdirilir”. Bəzi əməliyyatlardan isə mülki şəxslərə zərər vurmamaq üçün son anda imtina edilib. 

Azərbaycanın Qarabağda keçirdiyi antiterror əməliyyatı sonda uğurla yekun­laşdı. Düşmən ağ bayraq qaldırmalı oldu. Azərbaycan çoxdan gözlədiyi ədaləti ye­nidən öz gücü ilə bərpa etdi. Artıq Azər­baycanın Qarabağ bölgəsində yerləşən Ermənistan silahlı qüvvələrinin birləş­mələri silahı yerə qoyub təslim olurlar. Bundan başqa, Azərbaycan Respublika­sı Prezidentinin Administrasiyasının təklif etdiyi kimi, ölkə Konstitusiyası və qanun­ları əsasında reinteqrasiya məsələləri­nin müzakirə edilməsi üçün Qarabağın erməni sakinlərinin nümayəndələri ilə 2023-cü il sentyabr 21-də Yevlaxda gö­rüş keçiriləcək.

P.ƏFƏNDİYEV
XQ