№ 351 Bakı şəhəri, 22 iyul 2024-cü il

Azərbaycan Respublikası Nazir­lər Kabinetinin 2024-cü il 12 fevral tarixli 83 nömrəli Qərarı ilə təsdiq edilmiş “Valyuta sərvətləri və milli valyutanın transsərhəd daşınması zamanı onların hərəkətinin dayandı­rılmasına dair Qaydalar”da dəyişik­lik edilməsi haqqında

Azərbaycan Respublikası Konstitu­siyasının 119-cu maddəsinin səkkizinci abzasını rəhbər tutaraq, Azərbaycan Respublikasının Nazirlər Kabineti qə­rara alır:

Azərbaycan Respublikası Nazirlər Kabinetinin 2024-cü il 12 fevral tarixli 83 nömrəli Qərarı (Azərbaycan Res­publikasının Qanunvericilik Toplusu, 2024, № 2, maddə 215) ilə təsdiq edil­miş “Valyuta sərvətləri və milli valyu­tanın transsərhəd daşınması zamanı onların hərəkətinin dayandırılmasına dair Qaydalar”da aşağıdakı dəyişiklik­lər edilsin:

1. 2.2-ci bənd ləğv edilsin. 

2. 2.3.1-ci yarımbənd aşağıdakı re­daksiyada verilsin:

“2.3.1. qanunvericiliyə uyğun ola­raq müəyyən edilmiş valyuta sərvətləri və milli valyutanın bəyan edilməsi reji­minin tələbləri çərçivəsində bəyan edil­məmiş və ya düzgün bəyan edilməmiş valyuta sərvətləri və milli valyutanın aşkar edilməsi hallarında;”.

3. 3.1-ci bənddə “2.2-ci” sözləri “2.3-cü” sözləri ilə əvəz edilsin.

4. 3.1.4-cü yarımbənd aşağıdakı redaksiyada verilsin:

“3.1.4. valyuta sərvətləri və milli valyutanı gömrük sərhədindən keçirən şəxsin gömrük işi sahəsində cinayət­lərə görə məhkumluq müddətində və ya gömrük qaydaları əleyhinə olan inzibati xətalara görə tətbiq edilmiş in­zibati tənbehin icra olunduğu vaxtdan sonrakı bir il ərzində şəxsin müvafiq hüquqpozmalarla əlaqədar əvvəllər məsuliyyətə cəlb edilməsi faktının müəyyən olunması.”.

Əli ƏSƏDOV,
Azərbaycan Respublikasının Baş naziri