Dahi Üzeyir bəyin musiqisi sərhəd tanımır. 18 sen-tyabr Üzeyir Musiqisi Günü münasibətilə xaricdə də bir sıra tədbirlər keçirilib.

Tbilisi Dövlət Konservato­riyasında da Azərbaycan Milli Musiqi Günü qeyd olunub.

“Alyans Gənclər Mərkəzi”­nin təşkil etdiyi gecədə Azərbay­canın Gürcüstandakı səfirliyinin əməkdaşları, konservatoriyanın müəllim və tələbə heyəti, eləcə də alyansın üzvləri iştirak edib­lər. Rektor Qeorqi Vaçinkadze Azərbaycan ilə Gürcüstan ara­sındakı mədəni əlaqələrdən da­nışıb, bu cür tədbirlərin təşkilini yüksək qiymətləndirib. Rektor Heydər Əliyev Fondu tərəfindən 6 görkəmli Azərbaycan bəstə­karının milli musiqi notlarından ibarət kitabların “Alyans Gənc­lər Mərkəzi”nin təşəbbüsü ilə Konservatoriyaya təqdim olun­masına görə təşəkkür edib.

Azərbaycanın Gürcüstanda­kı səfirliyinin məsul əməkdaşı Ramiz Hacızadə dahi bəstəkarı­mız Üzeyir Hacıbəylinin həyat və yaradıcılığı barədə məlumat verib. Bildirib ki, Azərbaycanın mədəniyyət beşiyi olan Şuşada dünyaya göz açan Üzeyir Ha­cıbəylinin doğum gününün və onun xatirəsini yaşadan Musiqi Gününün Tbilisidə qeyd olun­ması olduqca təqdirəlayiqdir. Bu, eyni zamanda, ölkələrimiz arasındakı münasibətlərin, xü­susən də mədəni əlaqələrin yük­sək səviyyədə olduğunu bir daha sübut edir.

Ardınca azərbaycanlı tələbə Mahirə Durmuşova “Çırpınır­dı Qara dəniz” və “Ay Laçın”, Ramin Pirməmmədov isə tarda “Ayrılıq” və “Bakı gecələri” mahnılarını ifa ediblər.

Daha sonra “Alyans Gənclər Mərkəzi”nin sədri Leyla Əm­rahova və başqaları ürək sözlə­rini söyləyiblər. Natiqlər Üzeyir Hacıbəylinin həyat və yaradı­cılığı, Gürcüstanın mədəniyyət və incəsənət xadimlərinin onun haqqında dedikləri fikirlər, eləcə də Tbilisidə doğulmuş azərbay­canlı musiqiçilər barədə ətraflı məlumat veriblər.

Qeyd edək ki, Heydər Əliyev Fondu tərəfindən göndə­rilmiş kitablar konservatoriyanın kitabxanasına təqdim edilib.

XQ