Lənkəran şəhəri ilə ABŞ-ın Monterey şəhəri arasında mövcud olan “qar­daşlaşmış şəhərlər” əlaqələri çərçivəsində “Cənub mirvarisi”nin İstisu qəsəbəsində salınmış “Dostluq parkı”nda musiqili görüş olub. 

Bu park düz 1 il əvvəl yaradılıb. Gö­rüşdə qarşılıqlı əlaqələrin təcəssümü olan parkın gözəl istirahət və ünsiyyət ünvanı­na çevrildiyi vurğulanıb. Lənkəran Şəhər İcra Hakimiyyəti başçısının müavini, icti­mai-siyasi və humanitar məsələlər şöbəsi­nin müdiri Ülviyyə Əliyeva, ABŞ-ın Azər­baycandakı səfirliyinin ictimai işlər üzrə attaşesi Melissa Şauqnessi, Lənkəran–Monterey Dostluq Assosiasiyasının həm­sədri Nensi Selfric və Azərbaycan Diplo­matik Akademiyasının (ADA) müəllimi Şəfəq Mehralıyeva görüşdə iştirak ediblər. 

Natiqlər bildiriblər ki, 2011-ci ildən qardaşlaşan Lənkəran-Monterey şəhərlə­ri arasında ötən müddət ərzində qarşılıqlı əlaqələrin hərtərəfli inkişafı daim diqqət mərkəzində olub, münasibətlərin daha da yaxınlaşması üçün mütəmadi ünsiyyət saxlanılıb. Qeyd olunub ki, adət-ənənələ­rin öyrənilməsi, mədəni münasibətlərin genişlənməsi, habelə Azərbaycanla bağlı həqiqətlərin dünya ictimaiyyətinə dolğun şəkildə çatdırılmasında şəhərlərin qardaş­laşmasının mühüm rolu var. Lənkəranla Monterey şəhərlərinin əlaqələrinin davam­lılığı və inkişafı bu baxımdan bir nümunə təşkil edir.

Çıxışlardan sonra Lənkəran şəhər Mə­dəniyyət Mərkəzinin “Nənələr” xalq folk­lor kollektivinin və Mərkəzin solistlərinin ifaları təqdim olunub. 

XQ