Dünya ədəbiyyatı incilərinin tərcüməsindən ibarət “Xəzər” jurnalının yeni sayı çap olunub. Jurnalın təsisçisi olan Dövlət Tərcümə Mərkəzindən aldığımız xəbərdə bildirilir ki, bu sayda oxuculara bir sıra maraqlı yazılar təqdim olunub. 

“Nobel kürsüsü” rubrikasında Orxan Pamukun “Nobel mühazirəsi” və “Pən­cərədən baxmaq” hekayəsi, “Klassik irs” bölümündə Nikolay Qoqolun “Portret” hekayəsinin davamı, “Bəşəri poeziya”da isə Bertold Brextin “Kuraj ana və uşaqları” pyesindən nəğmələr yer alıb. 

Oxucular jurnalın “Azərbaycan ədə­biyyatı” rubrikasında Cəfər Cabbarlının “Papaq” hekayəsi, “Hekayə” rubrikasında Somerset Moemin “Şair”, “Türk xalqla­rı ədəbiyyatı” bölümündə Nurmurad Sa­rıxanovun “Kitab” və Abdulla Qədirinin “İnadkar Taşpulatın hekayəti” hekayələri, “İsrail nəsri”ndə Dina Rubinanın “Cadu” və “Qızılı rəng” hekayələri, “Roman”da Vilhelm Haufun “İsgəndəriyyə şeyxi Əli­banu və onun kölələri”, “Sirli qitə: Afrika ədəbiyyatı” rubrikasında Siprian Ekven­sinin “Azadlıq gecəsi” hekayəsi, “Teatr”­da Mar Bayciyevin “Bəy və gəlin” pyesi, “Esse”də Çeslav Miloşun “Əlifba” esse­sinin davamı, “Antiutopiya” rubrikasında Andrey Platonovun “Çevenqur” romanı və digər əsərlərlə tanış ola biləcəklər.

XQ