Güney Azərbaycanın Meşkin Şəhr şəhərində dahi şair, mütəfəkkir və filosofu Məhəmməd Füzuliyə həsr olunmuş ədəbi-bədii gecə keçirilib.
Məclis Füzuli və Türk poeziyası Günü ilə üst-üstə düşüb. Görkəmli mədəniyyət və incəsənət xadimləri iştirak etdikləri toplantıda qeyd olunub ki, 530 illik yubileyi qeyd edilən Məhəmməd Süleyman oğlu Füzuli Azərbaycan və türk ədəbiyyatı tarixində divan janrının ən məşhur və görkəmli nümayəndələrindən biridir. Azərbaycan və türk poeziyasının inkişafında böyük rol oynamış Füzulinin yaradıcılığı ətraflı müzakirə olunub, ilahi məhəbbət şairinin lirikasının fərqli xüsusiyyətlərindən bəhs edilib.
Gecə boyunca gənc qiraətçilərin ifasında Füzulinin əsərlərindən nümunələr ana dilində səsləndirilib.
XQ
