Məlum olduğu kimi, UNESCO-nun Qeyri-Maddi Mədəni İrs üzrə Hökumətlərarası Komitəsinin 2014-cü il noyabrın 26-da keçirilən iclasında Azərbaycan kəlağayı sənəti “Kəlağayı simvolizmi və ənənəvi sənəti” adı ilə təşkilatın Qeyri-Maddi Mədəni İrs üzrə Reprezentativ Siyahısına daxil edilib. Bu il kəlağayının beynəlxalq miqyasda tanıdılmasının 10 illiyidir və bu münasibətlə ölkəmizdə silsilə tədbirlər həyata keçirilir.

Naxçıvanın müxtəlif təh­sil ocaqlarında təşkil olunan “Sazlı, Sözlü Kəlağayı Günlə­ri” adlı ədəbi-bədii kompozisi­yalar bu sıradandır.

Naxçıvan Dövlət Universi­tetində elmi kitabxananın di­rektoru Xumar Məmmədova bu cür silsilə tədbirlərin mil­li-mənəvi dəyərlərimizin gənc nəslə təbliğ olunması baxı­mından əhəmiyyətini yüksək qiymətləndirib və iştirakçılara uğurlar diləyib. “Mirvarid Dil­bazi” Poeziya Məclisi İctimai Birliyinin sədri, “Kəlağayı Mu­zeyi”nin direktoru, şair-publi­sist Güllü Eldar Tomarlı milli dəyərlərin bir atributu kimi kə­lağayının təbliği istiqamətində görülən işlərdən söz açıb. O, kəlağayını vəsf edən 4 kitabı universitetin elmi kitabxanası­na hədiyyə edib.

Professor Sevinc Abbaso­va və dosent, şair-folklorşü­nas Sədaqət Nemətin çıxışla­rı maraqla dinlənilib. Tədbirin bədii hissəsində isə NDU-nun və onun nəzdindəki Musiqi Kollecinin tələbələri saz ha­vaları və şeirlər səsləndirib­lər. “Belkanto” vokal qrupu da məharətini göstərib. Universi­tetin foyesində təşkil olunan qədim kəlağayı sərgisi seyr­çiləri heyran edib. 

Özəl Naxçıvan Universi­tetində, Qızlar Liseyində, 15 saylı şəhər tam orta məktə­bində Ordubad şəhəri 1 saylı tam orta məktəbdə və Kən­gərli rayonu Qarabağlar kənd məktəbində də kəlağayı se­vincləri yaşanıb.

XQ