Bu gün Misli Premyer Liqasının XIII turun iki oyunu keçirilib. “Sabah” Quba Olimpiya İdman Kompleksinin stadionunda “İmişli”nin qonağı olub.

Oyunda paytaxt təmsilçiləri 3:0 hesablı qələbə qazanıb.

Qolları Amin Seydiyev (54), Stiv Solvet (60) və Kahim Parris (90+3) vurublar.

“Sabah” 25 xalı turnir cədvəlində üçüncü sırada yer alıb. “İmişli” isə 15 xalla səkkizincidir.

Azərbaycan çempionu “Qarabağ” isə Azərsun Arenada “Karvan-Yevlax” qəbul edib. Oyunun birinci hissəsində tərəflərin səyinə baxmayaraq hesab açılmayıb. İkinci hissədə əvvəlcə Emmanuel Addai (79) baxımlı qolla meydan sahiblərini hesabda irəli çıxarıb. Qarşılaşmanın 89-cu dəqiqəsində isə Nəriman Axundzadə Qarabağ”ın ikinci topunu yevlaxlıların qapısından keçirir–2:0. 

13 turdan sonra 12 oyundan 29 xal toplayan Ağdam təmsilçisi 1-ci pillədə qərarlaşır. “Karvan-Yevlax” isə 5 xalla sonuncu yeri tutur.

Qeyd edək ki, turun dünən keçirilən görüşlərində “Zirə” “Kəpəz”i 2:0 hesabı ilə məğlub edib. “Turan-Tovuz” – “Neftçi” görüşündə isə hesab açılmayıb–0:0.

Tura noyabrın 30-da yekun vurulacaq.

Qabil YUSİFOĞLU

XQ