Bakıdakı Aktyorlar Evində Qazax Dövlət Dram Teatrı truppasının ifasında Jalə İsmayılın “Ametist xanım və Apatit bəy” pyesi əsasında “Love Butik” tamaşası nümayiş etdirilib.
Tamaşanın quruluşçu rejissoru Füzuli Dövlət Dram Teatrından dəvət olunmuş Mirzə Nicatdır. Gənc rejissor həm də Mədəniyyət Nazirliyinin “Öyrədərək öyrənirəm” layihəsi çərçivəsində teatrda təlimlər həyata keçirib.
Xatırladaq ki, səhnə əsərinin premyerası bir həftə öncə Qazaxda olmuşdu. Tamaşa paytaxt səhnəsində də uğurla keçib. Kənardan xoşbəxt görünən ər-arvadın, əslində, bir-birinə yad insanlar olması, onların arasında yaranmış uçurumun kənarında son nəfəslərini verənədək mübarizə aparmaları əsərin əsas mövzusudur.
Ə.DOSTƏLİ
XQ
