“Avroviziya 2024” beynəlxalq müsabiqəsində Azərbaycan təmsilçilərinin ifa edəcəyi “Özünlə apar” mahnısı Avroviziyanın rəsmi “YouTube” kanalında təqdim olunub.
Bu mahnı müasir pop və ənənəvi etnik musiqi janrlarını özündə birləşdirir. Mahnının müəllifi bu il ölkəmizi Avroviziyada təmsil edəcək Fahree – Fəxri İsmayılovdur. İctimaiyyətə ilk dəfə açıqlanan mahnı üzərində müəlliflə birgə gənc, istedadlı musiqiçilər Mado Salikh, Edqar Ravin, Həsən Heydər və Mila Miles də işləyiblər. Qeyd edək ki, mahnının muğam hissəsini “Səs Azərbaycan: Doğma nəğmələr” müsabiqəsinin finalçısı İlkin Dövlətov ifa edib.
Xatırladaq ki, püşkatma nəticəsində təmsilçilərimiz İsveçin Malmö şəhərində mayın 7-də ilk yarımfinalda səhnəyə çıxacaqlar.
Ə.DOSTƏLİ
XQ
