Artıq robotlar həyatın bütün sahələrinə nüfuz edir. Bu günlərdə Cənubi Koreyanın Seul şəhərində keçirilən konsertdə orkestri EveR-6 adlı android robot idarə edib.
Xarici KİV-lər xəbər verir ki, Koreya Qabaqcıl Elm və Texnologiyalar İnstitutu tərəfindən hazırlanmış insanabənzər robotun Koreya Milli Teatrında orkestrə dirijorluq etməsi dünya mədəniyyəti tarixində ilk belə hadisə kimi yadda qalıb. Robotun əvvəlcə tamaşaçılara baş əyərək, konsertdə dirijor kimi dəqiqliklə çıxışı böyük maraq doğurub və alqışlarla qarşılanıb.
Ə.DOSTƏLİ, “Xalq qəzeti”
