Möhtərəm cənab Prezident!

2024- cü il fevralın 7-də keçirilən növbədənkənar prezident seçkilərində seçicilərin böyük əksəriyyəti­nin -92,12 faizinin Sizə etimad göstərmələri ötən illər ərzində həyata keçirdiyiniz uğurlu daxili və xarici si­yasətin məntiqi nəticəsidir. Sevinir və qürur duyuruq ki, bu parlaq qələbədə “Sabirabad-konserv” Açıq Səhmdar Cəmiyyətinin kollektivinin də payı vardır. Kollektivimizin bütün üzvləri seçkilərdə bir nəfər kimi Sizə səs verməklə öz inam və etimadlarını nümayiş etdirdilər.

Çox hörmətli cənab Prezident! 

“Sabirabad-konserv” Açıq Səhmdar Cəmiyyətinin kollektivi sizi yenidən Azərbaycan Res­publikasının Prezidenti seçilməyiniz münasibətilə sə­mimi - qəlbdən təbrik edir. Sizin müdrikliyiniz və uzaq­görənliyiniz sayəsində bu gün Azərbaycan dünyada QALİB ölkə kimi tanınır. Növbədənkənar seçkilərin Azərbaycanın bütün ərazilərində keçirilməsi hər bi­rimizi qürurlandırdı. İnanırıq ki, Sizin rəhbərliyinizlə ölkəmiz daha da inkişaf edəcək, əhalinin güzəranı getdikcə yaxşılaşacaq və dünya birliyindəki mövqelə­rimiz ildən-ilə möhkəmlənəcəkdir. 

Bu gün Qarabağda yenidənqurma, tikinti- quru­culuq və abadlıq işləri geniş vüsət alıb. Sizin həyata keçirdiyiniz uğurlu siyasət sayəsində keçmiş məcburi köçkün soydaşlarımız öz isti ocaqlarına – dədə - baba yurdlarına qayıdırlar. İnanırıq ki, yaxın gələcəkdə Si­zin sayənizdə Azərbaycan dünyanın ən inkişaf etmiş dövlətlərindən biri olacaqdır.