Bakı Dövlət Universitetində ümummilli lider Heydər Əliyevin 100 illiyi və DOST Agentliyinin yaradılmasının 5 illiyinə həsr olunan “Sosial sahədə müasir dövlət xidmətlərinin formalaşmasının elmi paradiqması” mövzusunda elmi-praktiki konfrans keçirilib.
Məclisdə ümummilli lider Heydər Əliyevin uğurlu sosial siyasət strategiyasının ötən dövrdə Prezident İlham Əliyev tərəfindən yüksək səviyyədə davam və inkişaf etdirildiyi bildirib.
BDU-nun rektoru Elçin Babayev qeyd edib ki, konfransda hüquq, sosiologiya, iqtisad elmləri və digər sahələr üzrə məruzələr səslənəcək. Əmək və əhalinin sosial müdafiəsi nazirinin müavini Anar Əliyev sosial sahədə müasir dövlət xidmətlərinin təşkili, “bir pəncərə” konsepsiyası, sosial xidmətlərin xəritələnməsi, xidmətlərin rəqəmsal platformaya daşınması və s. məsələlər...
Milli Məclisin İnsan hüquqları komitəsinin sədri Zahid Oruc, Bakı Slavyan Universitetinin rektoru Anar Nağıyev, Əmək və Əhalinin Sosial Müdafiəsi Nazirliyi yanında İctimai Şuranın sədri Elşad Məmmədov və BDU-nun əmək və ekologiya hüququ kafedrasının professoru Mayis Əliyev mövzu ilə bağlı mülahizələrini söyləyiblər.
Konfransda Ümummilli liderin Azərbaycana sosial sahədə misilsiz xidmətlərindən söhbət açılıb, DOST Agentliyinin fəaliyyətinə dair videoçarxlar nümayiş olunub. Sonra DOST Agentliyinin İdarə Heyətinin sədri Fərid Məmmədov qurumun fəaliyyətinə dair təqdimatla çıxış edib.
Konfrans spikerlərin çıxışları ilə davam edib. Tədbirdə iştirakçılara sertifikatlar təqdim edilib.
Sonda əlilliyi olan tələbə və gənclərin çıxışları dinlənilib, “DanceAbility Azərbaycan” inklüziv rəqs qrupu çıxış edib, əlilliyi olan şəxslərin uğur hekayələrinə həsr olunmuş videoçarx nümayiş etdirilib.
Z.HÜSEYNOVA
XQ