İşğaldan azad olunmuş ərazilərdə hazırda sürətlə bərpa-quruculuq işləri gedir və həyat axarına qayıdır. Kompüter avadanlıqlarının böyük idxalçılarından olan “Aztech” şirkəti dekabrın 19-da Laçında “LaCinema” kino mərkəzində “LEGİON GO” portativ oyun konsolunun ilk təqdimatını və gənclər arasında əyləncəli “Gaming Festival” keçirib. Bu, “Aztech” şirkətinin Laçına artıq ikinci səfəri idi.
Bundan öncə Laçın rayonu 2 saylı tam orta məktəbə şirkət tərəfindən 30 noutbuk hədiyyə edilmişdir. Təqdimatdan sonra məktəblilər və gənclər arasında maarifləndirici və əyləncəli “Gaming Festival” təşkil olunub. Gənc nəslin maarifləndirilməsi, yeni texnoloji məhsullarla tanışlığı, asudə vaxtlarını daha necə faydalı keçirə biləcəkləri barədə maraqlı diskussiyalar aparılıb.
Laçınlı gənclər və məktəblilər üçün əsl bayram ab-havasında keçən və Qarabağda ilk dəfə təşkil olunan bu tədbirə maraq böyük olub.
N.AYTƏN
XQ
